ನೀನು ಇರದೆ

ನೀ ಎದೆಯೊಳಗೆ ಬಂದ ಮೇಲೆ

ಹೃದಯ ಕನಸುಗಳ ಪಾಕಶಾಲೆ

ನೀ ನಸುನಗುತ ಕಣ್ಣಿನಲ್ಲೆ

ತೆರೆದೆ ಒಲವೆಂಬ ಪಾಠಶಾಲೆ

ಹೇಳೆ ಗೆಳತಿಯೆ ಹೇಗೆ ಇರಲಿ ನಾ

ನೀನು ಇರದೆ... ನಾನು ಇರೆನು|| ಪ ||

ಹಾ ಹಠ ಮಾಡುತ್ತೆ ಜೀವ ಪುಟ್ಟ ಕಂದನಂತೆ

ನೀ ಇರಬೇಕಂತೆ ಎಂದೆಂದು ಹೀಗೆಯೇ ಜೊತೆ

ಗಡಿಯಾರಕೀಗ ಏನೋ ವೇಗ ಬಂದಂತೆ

ನಿನ್ನ ಸಂಗದಲ್ಲಿ ಕಾಲ ಓಡುತಿರುವಂತೆ|| ೧ ||

ನಾ ತುಸು ಏಕಾಂತ ಬೇಕಂತ ಕಾಡು ನೋಡ ಹೋದೆ

ಆ ಪ್ರತಿ ಹೆಜ್ಜೆಲು ಎಲ್ಲೆಲ್ಲು ನೀ ಕಾಡಿದೆ

ಅಲೆಮಾರಿ ಜೀವ ಸಿಲುಕಿ ನಿನ್ನ ಮೋಹಕ್ಕೆ

ರಹದಾರಿ ಸಿಕ್ಕ ಹಾಗೆ ಸೀದ ಸ್ವರ್ಗಕ್ಕೆ|| ೨ ||